Psa 52 | TwiNAK | STEP | Ɔkɛseɛ, adɛn nti na wohoahoa wo ho wɔ wo bɔne ho? Onyankopɔn dɔ wɔ hɔ daa.

Psalms 52

Onyankopɔn Atemmu ne Adom

1 Ɔkɛseɛ, adɛn nti na wohoahoa wo ho wɔ wo bɔne ho?
Onyankopɔn dɔ wɔ hɔ daa.
2 Woyɛ nhyehyɛe de sɛe afoforo; wo tɛkrɛma yɛ nnam sɛ oyiwan.
Bere biara wopɛ atoro foforo twa.
3 Wʼani gye bɔne ho sen papa.
Saa ara na wʼani gye atoro ho sen nokware.
4 Wʼani gye sɛ wode wʼanom nsɛm pira afoforo; wo ɔtorofo!
5 Eyi nti,
Onyankopɔn bɛsɛe wo pasaa; ɔbɛkyere wo, na watwe wo afi wo fi.
Obeyi wo afi ateasefo mu.
6 Atreneefo behu eyi na wɔasuro; na wɔbɛserew wo aka se,
7 “Hwɛ, oyi ne onipa a wamfa ne ho anto Onyankopɔn so ampɛ nkwagye no.
Mmom, ɔde ne ho too nʼahonya dodow so na ɔpɛɛ guankɔbea wɔ amumɔyɛ mu.”
8 Nanso mete sɛ ngodua a ɛrenyin wɔ Onyankopɔn fi.
Mede me ho to ne dɔ a ɔdɔ me daadaa no so.
9 Daa mɛda wo ase,
Onyankopɔn, wɔ nea woayɛ no so wɔ nnipa nyinaa anim.
Mɛpae mu maka se, woyɛ trenee.